Gunnar S. Magnússon hefur bæst í hóp eigenda EY en Gunnar leiðir sjálfbærniteymi EY sem stofnað var á árinu hjá félaginu. Teymið vinnur þvert á önnur svið EY og myndar sterk tengsl við alþjóðleg CCaSS (e. Climate Change and Sustainability Services) teymi EY, sérstaklega á Norðurlöndunum. Mikill vöxtur hefur verið í sjálfbærniráðgjöf og staðfestingarvinnu hjá EY á alþjóðavísu vegna aukins þunga á þennan málaflokk hjá fyrirtækjum og stofnunum og hefur EY á að skipa fjölbreyttum hópi sérfræðinga á sviði sjálfbærni um allan heim sem fer stöðugt vaxandi. Við bjóðum Gunnar velkominn í eigendahóp EY!

Á dögunum kynnti Festa heildstæðan fræðslupakka og verkfærakistu sem ætlaður er litlum og meðalstórum fyrirtækjum til að hefja vegferð sína í umhverfis- og loftlagsmálum. Fræðslupakkinn er gjöf Festu til samfélagsins. Fræðslupakkinn er heildstæður pakki sem gerir notendum kleift að setja sér stefnu, markmið, mæla árangurinn í samræmi við alþjóðlega viðurkennda staðla og aðlagað að íslenskum raunveruleika, og fá raundæmi úr heimi atvinnulífsins um hvernig slík vegferð fer fram. Við þökkum Festu kærlega fyrir ánægjulegt samstarf við gerð fræðslupakkans.

Móttaka okkar er opin virka daga frá kl. 9 - 12 og frá kl. 13 - 16. Á föstudögum í sumar (frá 1. júní til 1. september nk.) verður móttakan lokuð. Er þetta liður í því að stuðla að aukinni vellíðan starfsfólks með því að gefa starfsfólki færi á lengja helgarnir og ná þar með lengri samveru og stundum með fjölskyldu og vinum yfir sumarmánuðina.