Niðurstöður greiningar Viðskiptablaðsins og Keldunnar á Fyrirmyndarfyrirtækjum hafa nú verið unnar og eru Fyrirmyndarfyrirtæki 2021 um 2% íslenskra fyrirtækja. EY hefur verið á listanum yfir Fyrirmyndarfyrirtæki frá upphafi. EY óskar Fyrirmyndarfyrirtækjum til hamingju með árangur sinn á árinu og vonumst til að sjá enn fleiri fyrirtæki bætast í hópinn á næstu árum.

Hver er staða kynjajafnréttis í orkugeiranum á Norðurlöndum? Hvaða tækifæri hafa konur þegar kemur að ákvörðunartöku og hvað er verið að gera til þess að bæta jafnrétti? Skýrslan, „Gender equality in the Nordic energy sector“ byggir á þessum spurningum. Skýrslan er samstarfsverkefni Nordic Energy Research (NER) og EY, þar sem EY á Íslandi sá um verkefnastjórnun, gagnaöflun, greiningu, úrvinnslu og mótun lokaniðurstaðna. Endilega kynntu þér efni skýrslunnar.

Gunnar S. Magnússon hefur bæst í hóp eigenda EY en Gunnar leiðir sjálfbærniteymi EY sem stofnað var á árinu hjá félaginu. Teymið vinnur þvert á önnur svið EY og myndar sterk tengsl við alþjóðleg CCaSS (e. Climate Change and Sustainability Services) teymi EY, sérstaklega á Norðurlöndunum. Mikill vöxtur hefur verið í sjálfbærniráðgjöf og staðfestingarvinnu hjá EY á alþjóðavísu vegna aukins þunga á þennan málaflokk hjá fyrirtækjum og stofnunum og hefur EY á að skipa fjölbreyttum hópi sérfræðinga á sviði sjálfbærni um allan heim sem fer stöðugt vaxandi. Við bjóðum Gunnar velkominn í eigendahóp EY!