Frétta- og greinasafn

Þann 21. mars sl. kynntu stjórnvöld efnahagsaðgerðir í 10 liðum vegna COVID- 19, eru þessar aðgerðir ætlaðar til þess að koma til móts við fyrirtæki og launamenn í landinu og milda höggið fyrir íslenskt efnahagslíf. Stærstur hluti þessara aðgerða voru samþykktar á Alþingi þann 30. mars sl. og höfum við hjá EY tekið saman umfjöllun um þær helstu. Við höfum jafnframt tekið saman yfirlit yfir ýmsa gagnlega tengla þessu tengdu sem við vonum að komi að góðum notum.

Á morgun, þriðjudag 31. mars, verður haldið fyrsta vefvarp EY um áhrif Covid-19 á fjármálastofnanir. Margar áskoranir rísa þegar möguleg áhrif eru greind og er ljóst að áhrif vegna IFRS 9 og útreiknings á virðisrýrnun fjáreigna vega þungt. Þar geta komið upp margvísleg álitaefni, t.d. í tengslum við framtíðarspár, áhrif af aðgerðum ríkisstjórna á útreikning á virðisrýrnun, áhrif af tímabundnum tilslökunum til viðskiptavina, o.s.frv.

Aðstæður um þessar mundir eru mjög krefjandi og fyrirtæki og einstaklingar þurfa að gera sitt besta til að bregðast við þeim með öllum mögulegum ráðum. Við hjá EY viljum leggja okkar af mörkum og höfum í þeim tilgangi tekið saman yfirlit sem fyrirtæki geta nýtt sér í mati sínu á áhrifum COVID- 19 á rekstur fyrirtækisins. Við höfum auk þess tekið saman umfjöllun um aðgerðir ríkisstjórnarinnar sem komnar eru til framkvæmda og útreikningstöflur.

Margrét Pétursdóttir endurskoðandi, Sigurður S. Jónsson og Guðmundur Már Þórsson hjá EY hafa tekið saman áhugaverða grein um heimsmarkmið Sameinuðu þjóðanna, sjálfbæra þróun og samfélagslega ábyrgð endurskoðenda.

EY hefur nú gefið út árlegan skattabækling sinn, 2020. Í skattabæklingnum, sem gefinn er út árlega, geta einstaklingar og forsvarsmenn fyrirtækja nálgast haldgóðar almennar upplýsingar um skattamál líðandi stundar.

EY verður á Framadögum 2020. Framadagar er árlegur viðburður, skipulagður af AIESEC á Íslandi. Megintilgangur Framadaga er að gefa ungu fólki á Íslandi tækifæri til þess að komast í kynni við íslenskt atvinnulíf og önnur fjölbreytt tækifæri víðs vegar um heiminn. Framadagar fara fram fimmtudaginn 30. janúar nk., frá kl. 10-14. Við erum EY - ert þú EY, kíktu endilega við hjá okkur!

Starfsfólk EY óskar þér og þínum gleðilegra jóla og farsældar á komandi ári. Við þökkum viðskiptavinum okkar fyrir viðskiptin og ánægjuleg samskipti á árinu sem er að líða. Hér má sjá opnunartíma okkar yfir hátíðirnar.

EY er stoltur styrktaraðili Women Leaders Global Forum sem haldið er í Hörpunni, dagana 18.-20. nóvember. Reykjavík Global Forum var fyrst haldið á Íslandi í nóvember 2018. Ráðstefnan er haldin árlega í samvinnu við Women Political Leaders (WPL) og ríkisstjórn Íslands undir fyrirsögninni "together". Nánari upplýsingar má finna með því að smella hér.

Niðurstöður greiningar Creditinfo á framúrskarandi fyrirtækjum hafa nú verið unnar í tíunda sinn og eru framúrskarandi fyrirtæki 2019 um 2% íslenskra fyrirtækja. EY hefur verið á lista Creditinfo yfir framúrskarandi fyrirtæki frá upphafi. EY hefur á heimsvísu tileinkað sér slagorðið „Building a better working world“. Í því felst að við viljum auka traust og tiltrú í viðskiptum, sjálfbæran vöxt, þróun hæfileika í öllum sínum myndum og meiri samvinnu.

Á aðalfundi EY voru gerðar breytingar á stjórnendateymi félagsins. Geir Steindórsson tekur við starfi sviðsstjóra endurskoðunarsviðs af Margréti Pétursdóttur, sem nýlega tók við starfi forstjóra EY. Þá verður Guðjón Norðfjörð sviðsstjóri rekstrarráðgjafar, Ragnar Oddur Rafnsson sviðsstjóri fyrirtækjaráðgjafar og Valgerður Kristjánsdóttir mun gegna starfi gæðastjóra félagsins.