Frétta- og greinasafn

Fyrirtækjaráðgjöf EY leitar að sérfræðingi í fyrirtækjaráðgjöf. Fyrirtækjaráðgjöf vinnur náið með viðskiptavinum sínum allt frá mörkun stefnu að framkvæmd fyrir allar ákvarðanir er varða fjármuni og innviði starfseminnar. Hvernig fyrirtæki stjórna fjármunum sínum og innviðum í dag, ákvarðar samkeppnisstöðu þeirra í framtíðinni. EY veitir ráðgjöf til fyrirtækja og opinberra aðila við meðhöndlun fjármuna til að verja eða auka virði sitt og bæta frammistöðu og stýra áhættu þvert á alla þætti starfseminnar. Ef þú brennur fyrir fjármálum fyrirtækja, sýnir frumkvæði og vilt ná langt þá erum við teymið fyrir þig.

Sjálfbærniteymi EY á Íslandi leitar að hæfu fólki sem brennur fyrir sjálfbærni eins og við. Mikill vöxtur hefur verið í sjálfbærniráðgjöf og staðfestingarvinnu hjá EY á alþjóðavísu vegna aukins þunga á þennan málaflokk hjá fyrirtækjum og stofnunum og hefur EY á að skipa fjölbreyttum hópi sérfræðinga sem starfa á sviði Sjálfbærni (CCaSS – Climate Change and Sustainability Services) og fer teymið stöðugt vaxandi og við leitum nú að sérfræðingi og verkefnastjóra í teymið okkar hjá EY á Íslandi.

Breytingar hafa verið gerðar á hluthafahóp og í stjórnendateymi EY. Stefán Þ. Björnsson hefur bæst við í hóp hluthafa ásamt því að gerðar hafa verið breytingar á stjórnendateyminu. Bergur leiðir stafræna þróun og sjálfvirknivæðingu Viðskiptaþjónustu EY, Hafdís er nýr sviðsstjóri Kjarnasviðs og Snjólaug nýr sviðsstjóri Sjálfbærniráðgjafar.

Hólmfríður Árnadóttir sérfræðingur í Sjálfbærniráðgjöf hjá EY verður með fyrirlestur á Framadögum sem fram fara í dag í Háskólanum í Reykjavík. Ert þú búinn að skrá þig?

Opnað verður fyrir framtalsskil einstaklinga 2022, vegna tekna 2021 þann 1. mars og er lokaskiladagur þann 14. mars nk. EY hefur gefið út árlegan skattabækling sinn fyrir árið 2022. Í skattabæklingnum, sem gefinn er út árlega, geta einstaklingar og forsvarsmenn fyrirtækja nálgast haldgóðar almennar upplýsingar um skattamál líðandi stundar.

Nýir löggiltir endurskoðendur fengu löggildinguna sína afhenta við útskrift þann 16. desember sl. Átta náðu báðum prófunum þetta árið og kynjahlutfall var jafnt. Við erum virkilega stolt af starfsfólki EY sem þreytti prófin í fyrsta sinn og stóðust. Hjartanlega til lukku með löggildinguna Brynja Dögg Guðjónsdóttir og Sindri Gíslason.

EY hefur keypt allt hlutafé í vottunarstofunni iCert ehf., sem hefur skapað sér sérstöðu í vottunum og óháðum staðfestingum. Kaupsamningur þess efnis var undirritaður þann 10. desember sl. Markmiðið með kaupunum er að styrkja stöðu EY á markaði og víkka út starfsemi fyrirtækisins enn frekar með áherslu á óháða staðfestingarvinnu og vottanir.

Full­trú­ar ell­efu ís­lenskra fyr­ir­tækja þar á meðal Margrét Pétursdóttir forstjóri EY skrifuðu und­ir lofts­lags­yf­ir­lýs­ingu á lofts­lags­fundi Reykja­víku­borg­ar og Festu í Hörpu í morg­un. Rekstr­araðilarnir sem skrifa und­ir yf­ir­lýs­ing­una skuld­binda sig að finna leiðir til að draga úr los­un á eig­in for­send­um og sýna þar með frum­kvæði og ábyrgð gagn­vart um­hverf­inu og sam­fé­lag­inu.

Samtök atvinnulífsins og EY á Íslandi taka höndum saman og setja á laggirnar árlegan Sjálfbærnidag atvinnulífsins þar sem fyrirtæki á Íslandi geta sótt sér nýjustu þekkingu sem nýtist þeim í rekstri út frá sjálfbærni og viðmiðum um umhverfi, félagslega þætti og stjórnarhætti (UFS). Sjálfbærnidagurinn fer fram í fyrsta sinn 24. nóvember 2021 frá 09:00 - 12:30 með veglegri dagskrá og vinnustofu í Hörpu.

Í morgun birtu forstjórar/framkvæmdarstjórar sex aðildarfélaga Festu grein þar sem þau lýsa yfir stuðningi sínum við djarfar ákvarðanatökur þegar kemur að aðgerðum stjórnvalda í loftslagsmálum. Greinin er öflugt ákall frá atvinnulífinu til samstarfs um þessa mikilvægu þætti. Margrét Pétursdóttir forstjóri EY er ein af þessum aðilum sem undrita greinina. Loftslagsbreytingar eru stærsta áskorun samtímans og krefjast þess að við drögum fram það besta í samskiptum og hugviti. Ef við ætlum að eiga möguleika á að snúa ógnvænlegri þróun við og byggja sjálfbært hagkerfi til framtíðar, þurfa einkageirinn og opinberi geirinn að leggjast á eitt og við þurfum að bregðast hratt við segir m.a. í greininni.