Frétta- og greinasafn

Erum við að leita að þér?

EY leitar að sérfræðingi í fyrirtækjaráðgjöf, sérfræðingi og verkefnastjóra í sjálfbærni og aðstoðarmönnum í endurskoðun. Við leitum að einstaklingum sem vinna vel í teymum og hjálpa okkur og viðskiptavinum okkar að ná árangri. Hjá EY munt þú hafa tækifæri til að byggja upp einstaka starfsreynslu. Við munum styðja þig á þinni vegferð við að ná þínum faglegu markmiðum og rækta þína leiðtogahæfileika í alþjóðlegu og krefjandi umhverfi. Ef þú brennur fyrir fyrirtækjaráðgjöf, sjálfbærni eða endurskoðun, sýnir frumkvæði og vilt ná langt þá erum við teymið fyrir þig.

EY óskar eftir aðstoðarmönnum í endurskoðun

EY óskar eftir aðstoðarmönnum í endurskoðun, ert þú framtíðarendurskoðandinn sem við leitum að? Hjá EY hefur þú tækifæri á framúrskarandi vegferð. Við vinnum með nýjustu tækni á hverjum tíma, við munum kynna þig fyrir frábærum teymum, hvernig það er að starfa í kviku alþjóðlegu umhverfi þar sem hver og einn hefur frelsi til að vera sá sem hann vill vera.

EY á Framadögum 2022

EY verður á Framadögum 2022. Framadagar er árlegur viðburður, skipulagður af AIESEC á Íslandi. Megintilgangur Framadaga er að gefa ungu fólki á Íslandi tækifæri til þess að komast í kynni við íslenskt atvinnulíf og önnur fjölbreytt tækifæri víðs vegar um heiminn. Framadagar fara fram föstudaginn 11. mars nk., frá kl. 10-14. Hér má sjá nánari upplýsingar um Framadaga.

EY er Fyrirmyndarfyrirtæki í rekstri í ár líkt og frá upphafi mælinga

Niðurstöður greiningar Viðskiptablaðsins og Keldunnar á Fyrirmyndarfyrirtækjum hafa nú verið unnar og eru Fyrirmyndarfyrirtæki 2021 um 2% íslenskra fyrirtækja. EY hefur verið á listanum yfir Fyrirmyndarfyrirtæki frá upphafi. EY óskar Fyrirmyndarfyrirtækjum til hamingju með árangur sinn á árinu og vonumst til að sjá enn fleiri fyrirtæki bætast í hópinn á næstu árum.

Fræðslupakki Festu um samfélagsábyrgð

Á dögunum kynnti Festa heildstæðan fræðslupakka og verkfærakistu sem ætlaður er litlum og meðalstórum fyrirtækjum til að hefja vegferð sína í umhverfis- og loftlagsmálum. Fræðslupakkinn er gjöf Festu til samfélagsins. Fræðslupakkinn er heildstæður pakki sem gerir notendum kleift að setja sér stefnu, markmið, mæla árangurinn í samræmi við alþjóðlega viðurkennda staðla og aðlagað að íslenskum raunveruleika, og fá raundæmi úr heimi atvinnulífsins um hvernig slík vegferð fer fram. Við þökkum Festu kærlega fyrir ánægjulegt samstarf við gerð fræðslupakkans.

EY í hópi Framúrskarandi fyrirtækja Creditinfo

EY er í hópi Framúrskarandi fyrirtækja árið 2020 og hefur verið frá upphafi. Í sérblaði Morgunblaðsins um Framúrskarandi fyrirtæki sem kom út í dag má sjá viðtal við Margréti Pétursdóttur forstjóra EY um fyrirtækjamenningu og starfsumhverfi EY.

Fyrsta skrefið í átt að markmiðum þínum?

EY óskar eftir nemum í endurskoðun. Við hjá EY erum sveigjanleg og reynum að koma til móts við ólíkar þarfir hvers starfsmanns og bjóðum m.a. nemum okkar upp á hlutastarf meðan á námi stendur. Við bjóðum nemum faglega þjálfun, reynslu af því að vinna í teymum, tækifæri og frelsi til að efla sig persónulega sem og faglegan bakgrunn sinn.

Vefvarp EY um áhrif COVID-19 á fjármálastofnanir

Á morgun, þriðjudag 31. mars, verður haldið fyrsta vefvarp EY um áhrif Covid-19 á fjármálastofnanir. Margar áskoranir rísa þegar möguleg áhrif eru greind og er ljóst að áhrif vegna IFRS 9 og útreiknings á virðisrýrnun fjáreigna vega þungt. Þar geta komið upp margvísleg álitaefni, t.d. í tengslum við framtíðarspár, áhrif af aðgerðum ríkisstjórna á útreikning á virðisrýrnun, áhrif af tímabundnum tilslökunum til viðskiptavina, o.s.frv.

EY verður á Framadögum 2020!

EY verður á Framadögum 2020. Framadagar er árlegur viðburður, skipulagður af AIESEC á Íslandi. Megintilgangur Framadaga er að gefa ungu fólki á Íslandi tækifæri til þess að komast í kynni við íslenskt atvinnulíf og önnur fjölbreytt tækifæri víðs vegar um heiminn. Framadagar fara fram fimmtudaginn 30. janúar nk., frá kl. 10-14. Við erum EY - ert þú EY, kíktu endilega við hjá okkur!

EY er í hópi framúrskarandi fyrirtækja 2019

Niðurstöður greiningar Creditinfo á framúrskarandi fyrirtækjum hafa nú verið unnar í tíunda sinn og eru framúrskarandi fyrirtæki 2019 um 2% íslenskra fyrirtækja. EY hefur verið á lista Creditinfo yfir framúrskarandi fyrirtæki frá upphafi. EY hefur á heimsvísu tileinkað sér slagorðið „Building a better working world“. Í því felst að við viljum auka traust og tiltrú í viðskiptum, sjálfbæran vöxt, þróun hæfileika í öllum sínum myndum og meiri samvinnu.