Ragnar Oddur í eigendahóp EY

Ragnar Oddur Rafnsson hefur bæst í hóp eigenda EY.

Ragnar Oddur Rafnsson hóf störf hjá EY á árinu 2013 og hefur verið sviðsstjóri fyrirtækjaráðgjafar frá árinu 2019. Hann er með Bsc. í rekstrar-og fjármálaverkfræði frá Háskólanum í Reykjavík. Ragnar býr yfir mikilli þekkingu og reynslu á sviði fyrirtækjaráðgjafar og hefur starfað á því sviði sl. 13 ár. Hann hefur stjórnað og unnið að framkvæmd margvíslegra áreiðanleikakannana og stýrt kaupa- og söluferli, einkavæðingu og sameiningu félaga hér heima og erlendis. Áður starfaði Ragnar hjá PwC. Ragnar er í sambúð með Ágústu Sif Víðisdóttur og á fimm börn.

Margrét Pétursdóttir, forstjóri EY á Íslandi:
Það er ánægjulegt að fá Ragnar í eigendahóp EY. EY á Íslandi hefur upp á að bjóða fjölda reynslumikilla endurskoðenda og sérfræðinga sem gerir okkur kleift að bjóða upp á gæðaþjónustu á hverjum tíma. Við sjáum fram á breytingar á endurskoðunar- og ráðgjafarmarkaði á komandi misserum, ekki síst vegna aðstæðna á markaði, aukinnar tækniþróunar og sjálfvirkni sem hefur þróast hratt á síðustu misserum. Að fá Ragnar í eigendahópinn styður við vöxt og fjölbreytileika í starfsemi EY og eflir okkur enn frekar í framtíðaráskorunum og tækifærum.“