Sjálfbærni EY

EY náði markmiði sínu um að jafna kolefnissporið sitt að fullu í lok árs 2020. Við ætlum að gera betur í ár og halda áfram að minnka kolefnissporið en um leið kolefnisjafna meira en við losum. Samþykkt hefur verið tímasett og mælanleg aðgerðaáætlun til að ná "net-zero carbon emissions" á árinu 2025. Sem hluta af þeirri vegferð, tekur EY þátt í alþjóðlegu samstarfi sem kallast Science Based Targets initiative þar sem fyrirtæki geta séð hversu mikið og hversu hratt þau þurfa að draga úr losun gróðurhúsalofttegunda til að koma í veg fyrir verstu áhrif loftslagsbreytinga. EY er ennfremur með sterka áherslu á jafnréttismál og fjölbreytileika og hefur m.a. tekið þátt í að stofna SHE Index vísitöluna sem mælir frammistöðu fyrirtækja útfrá þessum þáttum.