Stjórn

Geir hóf störf hjá EY árið 2009 og er hann einn af eigendum félagsins og sviðsstjóri endurskoðunarsviðs. Geir er löggiltur endurskoðandi, hagfræðingur frá Háskóla Íslands auk þess sem hann er með M.Acc. í reikningshaldi og endurskoðun frá Háskóla Íslands. Geir hefur mikla reynslu af því að vinna með stórum og smáum fyrirtækjum í hinum ýmsu atvinnugreinum en hann hefur á síðustu árum sérhæft sig í endurskoðun og ráðgjöf til fjármálafyrirtækja og lífeyrissjóða.

Ingunn H. Hauksdóttir hefur starfað hjá félaginu frá árinu 2011 og er einn af eigendum þess. Ingunn starfaði áður hjá KPMG frá árinu 1999. Ingunn hefur verið löggiltur endurskoðandi frá árinu 2005. Ingunn hefur verið virk í í starfi innan Félags löggiltra endurskoðenda (FLE), meðal annars sem meðlimur í menntunarnefnd og var hún jafnframt fræðslustjóri EY um árabil. Ingunn sat í stjórn FKE - Félags kvenna í endurskoðun árin 2005 til 2010 og gegndi formennsku þar síðustu tvö árin. Ingunn hefur yfirgripsmikla þekkingu á alþjóðlegum reikningsskilastöðlum (IFRS) og hefur víðtæka reynslu t.a.m. af því að endurskoða fjármálafyrirtæki, fasteignafélög og skráð félög á markað.

Símon Þór hóf störf hjá EY á árinu 2016 og er einn af eigendum félagsins og sviðsstjóri skatta- og lögfræðisviðs. Símon Þór er lögfræðingur frá Háskóla Íslands og með diploma í hagfræði frá sama skóla, auk þess sem hann hefur sótt sér menntun í Leiden University varðandi tvísköttunarsamninga. Símon Þór hefur mikla þekkingu og reynslu á flóknum skattamálum og hefur áratuga starfsreynslu á því sviði. Hann hefur áður starfað hjá Ríkisskattstjóra, var forstöðumaður skattasviðs KPMG og meðeigandi hjá Deloitte.

EY ÍslandStjórnendur

Stjórn

Stjórn